ZePolitte! online dendak bere ateak 2015an itxi bazituen ere, bere bloga bizirik dirau eta hemen bertan eskuragarri jarri nuen zenbait informazio eguneratu eta osatzea merezi duelakoan nago. Gaurkoan, Amayur Batailoiko mutil gabiriarren txanda da.
Gabiriako herritarren %10a gerrara!
1936-37ko gerran Gabiriako herritarren %10a joan zen gerrara, orotara 84 bizilagun. Aita, semea, anaia, osaba… nekez egongo dira Euskal Herrian porzentaia horretara iritsitako herriak.
Gabiriako mutilek erakutsitako eskuzabaltasuna eta adorea belaunaldi berriek gertutik gertura ezagutarazteak merezi duelakoan, ZePolitte.com atariak eta Gabiriako herritar talde batek elkarlanean gure gudarien ibilia plazaratzeko eta hedatzeko kamiseta eta jertsea ekoiztu genuen.
Argazki aski ezaguna Gabirian
Kamiseta ekoizteko erabilitako irudien artean Gabiriako herritarren artean aski ezaguna den hau erabili genuen:
Irudi horrekin, diseinua hau ekoiztu genuen kamisetaren aurrekaldean eta bizkarrean:
Dokumentazioa eta ikerketa
Kamisetaren ekoizpenean kontu berezia jarri genuen kamisetaren edukien zehaztasun historikoa ahalik eta zorrotzena izan zedin.
Hori horrela, kamisetaren aurrealdeko irudian “Amayur” batailoiko hogeitabost gudari gabiriar ikusi ditzazkegu. Horiek denak 2012. urteko Makilari herri aldizkariaren 23. alean izen-abizen eta etxearen izenarekin identifikatuak izan ziren. Argazkia Eusebio Igarzabalek utzi zidan, Amayur Batailoiko bizirik geratzen zen eta 2011. urtean zendu zen Antonio Igarzabal azken gudariaren semea eta Ander Yurrita ikerlari ormaiztegiarrak ikerketarekin lagundu zidan.
Horien izenak Amayurkoenak ez ezik, 84 osatu arte gainontzeko mutilen izen-abizenak, etxearen eta batailoiaren izenak, kamisetaren bizkarrean jaso genituen. Haien adorea eta eskuzabaltasuna denok ezagutu, oroitu eta eskertu dezagun.
Ander Yurritak hasitako bidea jarraituz, gudari eta milizianoen izenak eta bi abizenak eta beraien etxeen izenak osatzea lortu genuen. Hala ere kamisetaren orrian ikusten den bezala, oraindik hainbat atal osatzeke geratu ziren.
Bizkarreko diseinua
Bizkarreko diseinuan bi elementu sartu genituen.
Alde batetik batailoi abertzaleetako gudariek sarritan beraien txapeletan itsasten zuten metalezko “Euzko Gudari” ikurraren erreprodukzioa eta bestetik eta arestian aipatu bezala, 84 osatu arte Gabiriko gainontzeko mutilen izen-abizenak, etxea eta bakoitzari dagokion batailoiaren izena.
Batailoien identifikazioa
Gerraren hastapenetan batailoi bakoitzak bere alderdi politiko edo sindikatuaren disziplinari zor zitzaion soilik. Gerrak aurrera egin ahala, hasierako batailoien sailkapen ideologikoa alboratu eta batailoiak ohikoa den antolaketa militar bat jarraituz sailkatzeari ekin zitzaion. Berrantolaketa hau gertatuagatik, praktikan gudari/miliziano talde bakoitzak bere alderdiari/sindikatuari erreparatzen jarraitu zuen. Berrantolaketa ere ez zen nahikoa izan faxisten erasoa gelditu eta gailentzeko.
Hau argituta, alfabetikoki sailkatu ditugu Gabiriko gudari eta milizianoak. Hemen beraien izenak:
Hau argituta, alfabetikoki sailkatu ditugu Gabiriko gudari eta milizianoak. Hemen beraien izenak:
IZEN ABIZENAK | IRUDIA | ETXEA | BATAILOIA | KONPAINIA | MAILA | ALDERDIA/SINDIKATUA | |
1 | Fernando Agirre Etxeberria | — | Lizardigarakoa | Ordena Publikoa | — | — | Euzko Jaurlaritza |
2 | Santiago Agirrebengoa Etxeberria | Otsategi | Amayur | — | — | EAJ-PNV | |
3 | Santiago Agorreta Basotegi | — | Zandategi | Zapadoreak | — | — | EAJ-PNV |
4 | Patxi Alustiza Gabiria | — | Oñatibi-aundi | Amayur | — | — | EAJ-PNV |
5 | Pedro Alustiza Jauregi | Etxetxo | Amayur | — | — | EAJ-PNV | |
6 | Luis Alzueta Ariztimuño | Izar-erdi | Amayur | — | — | EAJ-PNV | |
7 | Simon Alzueta Ariztimuño | Izar-erdi | Amayur | — | — | EAJ-PNV | |
8 | Dionisio Antia Galparsoro | — | Altolagirre-garakoa | Amayur | — | Tenientea | EAJ-PNV |
9 | Joxe Apaolaza Oiarbide | — | Olalkiaga | Amayur | — | — | EAJ-PNV |
10 | Antonio Ariztimuño Azpeitia | Izar-barrena | Amayur | — | — | EAJ-PNV | |
11 | Domingo Ariztimuño Agirre | — | Igeribar-garakoa | Amayur | — | — | EAJ-PNV |
12 | Joxe Ariztimuño Agirre | — | Igeribar-garakoa | — | — | — | — |
13 | Resurrección Arozena Intxausti | Igeribar-azpikoa | Amayur | Enlazeak | Gudaria | EAJ-PNV | |
14 | Antonio Arratibel Labaka | — | Zuazola-garakoa | Amayur | — | — | EAJ-PNV |
15 | Facundo Arratibel Irazusta | — | Urkiola | — | — | — | — |
16 | Juan Joxe Arrondo Apaolaza | — | Oñatibi-aundi | Ingenieriak 2 | — | — | EAJ-PNV |
17 | Antonio Arzelus Labaka | — | Kalebarren | San Andres | — | — | ELA-STV |
18 | Joxe Atin Altolagirre | — | Altzibar | Amayur | — | — | EAJ-PNV |
19 | Eugenio Azarola Zabalo | Mandiola | Amayur | — | — | EAJ-PNV | |
20 | Tomas Azpeitia Alustiza | — | Madariaga-barrena | — | — | — | — |
21 | Juan Joxe Deba Mujika | Legorburu | Amayur | — | — | EAJ-PNV | |
22 | Juan Inazio Erauskin Azarola | — | Zuazola-garakoa | — | — | — | — |
23 | Juan Jose Etxaleku Mujika | Aranburu-azpikoa | Amayur | — | — | EAJ-PNV | |
24 | Antonio Etxaleku Mujika | — | Aranburu-azpikoa | Amayur | — | — | EAJ-PNV |
25 | Bixente Etxaleku Mujika | — | Aranburu-azpikoa | Amayur | — | — | EAJ-PNV |
26 | Guillermo Gabilondo Lasa | — | Madariaga-barrena | Amayur | — | — | EAJ-PNV |
27 | Joxe Mari Gabiria Alustiza | Bekoetxe | Amayur | — | — | EAJ-PNV | |
28 | Remigio Garmendia | — | Gaztañaga | — | — | — | — |
29 | Juan Goia Kerejeta | — | Gaztelu | — | — | — | — |
30 | Hilario Goiburu Amezaga | — | San Esteban | — | — | — | — |
31 | Pio Gurrutxaga Etxeberria | — | Zantarte | Amayur | — | — | EAJ-PNV |
32 | Antonio Igarzabal Otegi | — | Aranburu | Ingenieriak 2 | — | — | EAJ-PNV |
33 | Ramon Igarzabal Otegi | Aranburu | Amayur | — | — | EAJ-PNV | |
34 | Joxe Mari Intxausti Arozena | — | Igeribar-azpikoa | Loyola | — | — | EAJ-PNV |
35 | Juan Irastorza Insausti | — | Urkiztegi | Amayur | — | — | EAJ-PNV |
36 | Tomas Irizar Bergara | — | Eizmendi | Amayur | — | — | EAJ-PNV |
37 | Angel Izagirre Arsuaga | — | Igeribar-errota | Amayur | — | — | EAJ-PNV |
38 | Jesus Izagirre Arsuaga | Igeribar-errota | Amayur | — | — | EAJ-PNV | |
39 | Juan Izagirre Arsuaga | — | Igeribar-errota | Ingenieriak 2 | — | — | EAJ-PNV |
40 | Ramon Iztueta Igarzabal | Katarain | Amayur | — | — | EAJ-PNV | |
41 | Joxe Izuzkiza Aristi | — | Olalkiaga-azpikoa | — | — | — | — |
42 | Inazio Jauregi Urkiola | Etxeaundi | Amayur | — | — | EAJ-PNV | |
43 | Juan Jauregi Urkizar | — | Etxeaundi | Amayur | — | — | EAJ-PNV |
44 | Luis Lasa Azurmendi | — | Etxeberribengoa | Amayur | — | — | EAJ-PNV |
45 | Simon Lasa Zumalakarregi | — | Zandategi | Loyola | — | — | EAJ-PNV |
46 | Joxe Ramon Lopez Zabalo | — | Olazabal | — | — | — | — |
47 | Ignacio Maiz Zabaleta | — | Eguzkitza | — | — | — | — |
48 | Tomas Maiz Zabaleta | — | Eguzkitza | Ingenieriak 2 | — | — | EAJ-PNV |
49 | Patxi Markina Aldanondo | Errementari-zar | Amayur | — | — | EAJ-PNV | |
50 | Joxe Markina Aldanondo | — | Errementari-zar | Amayur | — | — | EAJ-PNV |
51 | Pedro Markina Aldanondo | — | Errementari-zar | Amayur | — | — | EAJ-PNV |
52 | Joxe Manuel Mendia Etxezarreta (Kaskante) | Etxeberri | Amayur | — | — | EAJ-PNV | |
53 | Juan Mendiguren Oñatibia | — | Zantagoiti | Karl Marx | — | — | UGT-PSOE 4a. |
54 | Manuel Murua Iranzuaga | — | Alkain-txiki | Amayur | — | — | EAJ-PNV |
55 | Patxi Murua Iranzuaga | Alkain-txiki | Amayur | — | Kapitaina | EAJ-PNV | |
56 | Gabino Murua Izagirre | — | Izar-haundi | — | — | — | — |
57 | Joxe Murua Iranzuaga | — | Alkain-txiki | Ingenieriak 2 | — | — | EAJ-PNV |
58 | Eugenio Murua Izagirre | — | Izar-haundi | Amayur | 2. konpainia | Tenientea | EAJ-PNV |
59 | Pedro Murua Izagirre | Izar-haundi | Amayur | — | — | EAJ-PNV | |
60 | Felix Oiarbide Oiarzabal | Bidaurreta | Amayur | — | — | EAJ-PNV | |
61 | Roke Oiarbide Oiarzabal | Bidaurreta | Amayur | — | — | EAJ-PNV | |
62 | Ignacio Olaran Gabilondo | — | Barrandegi | Amuategui | — | — | JSU, Juventudes Socialistas Unificadas |
63 | Jesus Olaran Gabilondo | — | Barrandegi | Amuategui | 2. konpainia | Sarjentua | JSU, Juventudes Socialistas Unificadas |
64 | Lorentzo Oñatibia Dorronsoro | — | Arane-txiki | — | — | — | — |
65 | Pablo Oñatibia Dorronsoro | Arane-txiki | Amayur | — | — | EAJ-PNV | |
66 | Patxi Ormazabal Leunda | — | Agerre | — | — | — | — |
67 | Antonio Otegi Etxeberria | — | Bekoetxe | Ordena Publikoa | — | — | Euzko Jaurlaritza |
68 | Eusebio Otegi Etxeberria | Bekoetxe | — | — | Kaperaua | — | |
69 | Martin Otegi Etxeberria | — | Bekoetxe | Bakunin | — | — | CNT-FAI 1a. |
70 | Patxi Peñagarikano Telleria | — | Gabirizar-haundi | — | — | — | — |
71 | Jose Martin Sagastizabal Dorronsoro | — | Altolagirre-azpikoa | Amayur | — | — | EAJ-PNV |
72 | Juan Sagastizabal Dorronsoro | — | Altolagirre-azpikoa | Ingenieriak 2 | — | — | EAJ-PNV |
73 | Tiburcio Sagastizabal Dorronsoro | — | Altolagirre-azpikoa | Ingenieriak 2 | — | — | EAJ-PNV |
74 | Casimiro Salsamendi Amondarain | Astiazaran | Amayur | — | — | EAJ-PNV | |
75 | Vicente Sarasola Odria | — | Baztarretxe | Amayur | — | — | EAJ-PNV |
76 | Jose Sarriegi Olaran | — | Isastegi | Amayur | — | — | EAJ-PNV |
77 | Joxe Telleria Agirre | — | Madariaga-goena | Amayur | — | — | EAJ-PNV |
78 | Lukas Uliondo Maiza | — | Urkiztegi | Amayur | — | — | EAJ-PNV |
79 | Bixente Urbiztondo Uria | Arroa | Amayur | — | — | EAJ-PNV | |
80 | Tomas Uria Iparragirre | Arane-haundi | Amayur | — | — | EAJ-PNV | |
81 | Markos Zabaleta Enatarreaga | Izargoena | Amayur | — | — | EAJ-PNV | |
82 | Agapito Zufiaurre Odriozola | — | Artzain | Amayur | — | — | EAJ-PNV |
83 | Patxi Zufiaurre Odriozola | — | Artzain | — | — | — | — |
84 | Migel Zurutuza Elorza | — | Lizaratzu | Ingenieriak 2 | — | — | EAJ-PNV |
Gabiriako jaietan eskura
Abuztuaren 16an eta sagardo dastaketaren jiran, hainbat gabiriarrentzat ziraragarria izan zen beraien aitona, aita, osaba… izandakoaren adibidea kamiseta batean erakusteko aukera izatea.
Negurako jertsean ere bai
Datorkigun neguko ipar haizeari aurre egiteko balioko duen jertse txanoduna ere ekoiztu dugu. Kasu honetan jertsea urdina da eta kamisetaren diseinuari ezkerreko besoan ZePolitte! logo bordatua gehitu dugu. Horrekin, jertsearen ekoizpen duina eta aldi berea dotorea lortu dugulakoan gaude.
Arratsaldeon,
Kontsulta bat egin nahiko nuke. Bagera familiko nahikok amayur baitailoiaren kamiseta lortu nahiko gunukenak, jakitea nahiko nuke ea badauzkazuen eta nola lortu edo bestela enkargartu ditzazkegun, kopuru minimo bat eskatuta. Mila esker.
Kaixo Miriam.
Kamiseta eta jertse gutxi batzu geratzen zaizkit. Emaila bidaliko dizut ta moldatuko gara.
Eskerrikasko kaso egiteagatik eta ondo izan.
Bueno, ¡no lo vais a creer! Tengo un plato de campaña de Pedro markina aldanondo, del frente de orduña (Bizkaia).